2025 թվականին իրականացվող «Սևան համայնքի փողոցների հիմնանորոգում» սուբվենցիոն ծրագրի 2-րդ փուլի շրջանակներում մեկնարկել են Սևան քաղաքի Շիրազ փողոցի հիմնանորոգման աշխատանքները:
Այս օրերին փողոցում իրականացվում են հողային աշխատանքներ, որին կհաջորդեն ճանապարհային պատվածքի, ուղիների և մուտքերի, մայթերի կառուցումը, դիտահորերի կափարիչների և եզրաքարերի վերատեղադրումը, տեղային լուծումներով ջրահեռացման համակարգի կառուցումը և այլ շինաշխատանքներ:
Շիրազ փողոցի հիմնանորոգումն ընդգրկում է 9995քմ տարածք:
Ծրագրի պայմանագրային արժեքը 180193680 դրամ է՝ համայնք – պետություն 50-ական տոկոս համաֆինանսավորմամբ:
Շինարարական աշխատանքներն իրականացվում են «Ճան-Շին» ՍՊԸ կապալառու կազմակերպության կողմից:
Հիշյալ սուբվենցիոն ծրագրի շրջանակներում հիմնանորոգման հաջորդ հասցեն Գագարին բնակավայրն է, որտեղ նախատեսված է Շիրազ փողոցի՝ 9616քմ տարածքի հիմնանորոգում:
Ծրագրի պայմանագրային արժեքը 147638290 դրամ է՝ համայնք – պետություն 50-ական տոկոս համաֆինանսավորմամբ:
Հիշեցնենք, որ «Սևան համայնքի փողոցների հիմնանորոգման աշխատանքներ» սուբվենցիոն ծրագրի 1-ին փուլով իրականացվել են Սևան քաղաքի շուրջ մեկտասնյակ փողոցների հիմնանորոգման աշխատանքներ:
