2025 թվականին Սևան համայնքում մեկնարկել և իրականացվում է մասնակցային բյուջետավորման գործընթացը, որը լավագույն հարթակ է՝ համայնքի բնակիչների կողմից բարձրաձայնելու համայնքում առկա խնդիրները և ներկայացնելու առաջարկ-նախագծեր դրանց լուծման համար։
Առաջարկ-նախագծերի ներկայացման փուլն ավարտվել է ապրիլի 17-ին, որին հաջորդել է ներկայացված 6 ծրագրի քվեարկությունը:
2025 թվականի մայիսի 23-ից հունիսի 23-ը ներառյալ Սևան համայնքի բնակիչները հնարավորություն ունեցան առցանց քվեարկելու իրենց նախընտրած ծրագրի օգտին:
Քվեարկությունն ավարտված է, հայտնի են այն ծրագրերը, որոնք ստացել են ամենաշատ հավանումները:
«Փոքրիկների երազանք» խաղահրապարակի կառուցում (Սևան բնակավայր) — 1365 հավանում
Խաղային հրապարակ (Դդմաշեն բնակավայր) – 1364 հավանում
«Առողջ միջավայր» բազմաֆունկցիոնալ խաղահրապարակ (Վարսեր բնակավայր) – 1212 հավանում
«Մուտքն առանց հեռախոսների» բազմաֆունկցիոնալ խաղահրապարակի կառուցում (Զովաբեր բնակավայր) – 387 հավանում
Գագարին բնակավայրի կենտրոնական զբոսայգու վերանորոգում – 76 հավանում
«Ակտիվ հանգստի և առողջ ապրելակերպի խրախուսումը լավ ապագայի գրավականն է» խաղահրապարակի կառուցում (Գեղամավան բնակավայր) – 43 հավանում
Մասնակցային բյուջետավորման շրջանակներում ստեղծված հանձնախումբն ամենաշատ հավանումներ ունեցող ծրագրերը կներկայացնի Սևան համայնքի ղեկավարին, կհաջորդի ծրագրերի նախագծման փուլը: