Հերթական՝ 14-րդ կանգառը, «Սևան համայնքի Վ. Ստեփանյանի անվան գրադարանների կենտրոնացված համակարգ» ՀՈԱԿ-ի կենտրոնական գրադարանում էր, որտեղ հյուրընկալվել էին Newmag հրատարակչության գործադիր տնօրեն Արտակ Ալեքսանյանը, գլխավոր խմբագիր Գնել Նալբանդյանը, Newmag հրատարակչության գրական ծրագրերի ղեկավար Անի Հակոբյանը, Amundi-Acba Asset Management-ի մարկետինգի և հաղորդակցությունների բաժնի ղեկավար Զարինե Եղիազարյանը, հրատարակչության և ընկերության ներկայացուցիչներ:
Գրքի նվիրատվության արարողությանը մասնակցում էին Սևանի համայնքապետարանի աշխատակազմի ներկայացուցիչները, «Սևան համայնքի Վ. Ստեփանյանի անվան գրադարանների կենտրոնացված համակարգ» ՀՈԱԿ-ի գրադարանավարներն ու աշխատակիցները, ընթերցասեր սևանցիներ:
Նվիրատվությունն ուղեկցվեց ելույթներով, շնորհավորանքներով, առաջիկա ծրագրերի ակնկալիք-ցանկություններով:
«Սևան համայնքի Վ. Ստեփանյանի անվան գրադարանների կենտրոնացված համակարգ» ՀՈԱԿ-ը համալրվեց 500 կտոր նոր գրքով:
Գրադարանի այցելուները և ընթերցողներն այսուհետ հնարավորություն կունենան ընթերցելու ժամանակակից գեղարվեստական, գիտահանրամատչելի, պատմական, մանկական, փաստավավերագրական գրականություն, որի անհրաժեշտությունը մեր օրերում առավել քան կարևորվում է:
Սա նաև լավագույն հնարավորություն է՝ գրադարաններում կազմակերպելու քննարկումներ, հանդիպումներ:
Այս յուրահատուկ նախաձեռնության հեղինակները կարողացան օրը դարձնել հիշարժան, իսկ համայնքային գրադարանն էլ և ՀՈԱԿ-ի մասնաճյուղերն իրենց ընթերցողներին կկարողանան առաջարկել որակյալ և սպասված գրականություն:
