Մարտի 1–ին Սևանի Նորիկ Դագարյանի անվան մանկապատանեկան մարզադպրոցում տեղի ունեցավ օլիմպիական թաեքվոնդո մարզաձևի հուշամրցաշար նվիված հայ նշանավոր ռազմական և քաղաքական գործիչ, գրող, Հայաստանի պաշտպանության առաջին նախարար, Հայաստանի վարչապետ Վազգեն Սարգսյանի ծննդյան 67–ամյակին։
Նրան տրվել է հերոսական Սպարապետ պատվանունը, քանի որ նա մեծ ներդրում է ունեցել Հայաստանի անկախության, անվտանգության և Հայկական բանակի կայացման գործում։ Վազգեն Սարգսյանին շնորհվել են Հայաստանի և Արցախի բարձրագույն կոչումները՝ Հայաստանի ազգային հերոս և Արցախի հերոս։
Օլիմպիական թաեքվոնդոի հուշամրցաշարը կազմակերպվել էր «Նվիրյալներ» ռազմամարզական ՀԿ-ն՝ նախագահ Արման Գրիգորյանի գլխավորությամբ, աջակցել էին Սևանի համայնքապետարանը, Հայաստանի թաեքվոնդոյի ֆեդերացիան և Սևանի Ն. Դագարյանի անվան մանկապատանեկան մարզադպրոցը:
Հուշամրցաշարին մասնակցում էին 100–ից ավել մարզիկներ ինչպես Գեղարքունիքի մարզի բնակավայրերից, այնպես էլ՝ Հայաստանի տարբեր մարզերից:
Հուշամրցաշարի անցկացման նպատակն էր նաև մարզում թաեքվոնդոյի մասսայականացումը և ուժեղագույն պատանի սպորտսմեններ ի հայտ բերելը: Թաեքվոնդո մարզաձևը Սևանում մեծ տարածում ունի:
Հուշամրցաշարի մասնակիցները ստացան պատվոգրեր, իսկ հաղթողները պարևատրվեցին նաև մեդալներով և գավաթներով, թիմերի մարզիչները՝ շնորհակալագրերով: