Սևանի ՔԿԱԳ սպասարկման կենտրոնի պատասխանատու Գուրգեն Իգնաթևոսյանի կողմից ներկայացված հաշվետվության և «Սևանի ԲԿ» ՓԲԸ-ի կողմից ներկայացված տեղեկատվության համաձայն՝ այս տարվա փետրվար ամսին կատարվել է ծննդյան ակտի 22 գրանցում, որից 6-ը՝ Սևան քաղաքում, Գեղամավան բնակավայրում` 2, Լճաշեն բնակավայրում՝ 2, Ծովագյուղ բնակավայրում՝ 5, Դդմաշեն բնակավայրում` 3, Ծաղկունք բնակավայրում` 3, Զովաբեր բնակավայրում` 1 ծնունդ:
Գրանցված նորածիններից 12-ը աղջիկ է, 10-ը՝ տղա։
2025թվականի փետրվար ամսին գրանցված մահերի թիվը 34 է:
Փետրվար ամսվա ընթացքում ՔԿԱԳ սպասարկման կենտրոնում իրականացված գործարքներից համայնքային բյուջե է մուտքագրվել 275.000 դրամ տուրք:
Հիշեցնենք, որ ծննդյան, մահվան և ամուսնության ակտի գրանցման համար պետական տուրք չի գանձվում: