Սևանի Ն․ Դագարյանի անվան մանկապատանեկան մարզադպրոցում մայսի 15-ին անցկացվեց սպորտլանդիա։ Միմյանց հետ մրցեցին Սևանի Թիվ 1 «Բողբոջ», Թիվ 2 «Զարթոնք», Թիվ 4 «Գալիք» և Լճաշենի «Մանչուկ» մանկապարտեզների թիմերը։
Սպորտլանդիաները երեխաների կյանքում ոչ միայն զվարճալի միջոցառումներ են, այլ կարևոր դաստիարակչական և զարգացնող իրադարձություններ։ ԵՄ Կայուն էներգիայի շաբաթվան նվիրված սպորտլանդիայի ընթացքում երեխաները մրցեցին միմյանց հետ տարբեր առաջադրանքներ կատարելով։
Սևան համայնքի 4 մանկապարտեզների թիմերը վերջում պարգևատրվեցին Սևան համայնքի ղեկավարի հավաստագրերով և նվերներով։
ԵՄ Կայուն էներգիայի շաբաթվա հիմնական նպատակն է՝ միավորել բոլորին՝ տարբեր միջոցառումների միջոցով կլիմայի փոփոխության մեղմման և հարմարվողականության, ինչպես նաև էներգետիկ աղքատության հաղթահարմանն ուղղված նախաձեռնությունների և միջոցառումների մասին տեղեկատվության տարածման, դրանց իրականացման խթանման նպատակով՝ հանուն մաքուր, անվտանգ և կայուն զարգացման:
Սևան համայնքում շարունակվում են ԵՄ Կայուն էներգիայի շաբաթվան նվիրված միջոցառումներն ու մրցույթները։